علیداد ممدلی از طایفه خدرسرخ زراسوند می باشد که در قلعه لوط اندیکا به دست رضا قلی خان ،امام قلی خان وحسین قلی خان ایلخانی با همکاری اصلان خان چهارلنگ کشته شد.اشعار زیر در این رابطه سروده شد:

 

خوم کلو اسبوم کلو هجیم کلووه              تش به ره دی به هوا سوار به گلوه

صدرم زه سنگ شاه تیر تفنگم                  هرکس که نه دال دی نیا به جنگم

هرکس که نه دال دی به پل پرزین              دشمنون زه رم ارن به زور هجیم

آحسین دینوم به نات،اصلان چالنگ             نشتی که سوارآبوم سیر بکنم جنگ

آ حسین یادت بیا به پل پرزین                    وندومت وا ور اسب تا به تورزین

آ حسین یادت بیا جنگ دو پولون               وندومت به سینه اسب تا پیر سرخون

سرکشیم به لامردون اصلان دیدم               چی افتو دم غروب رنگه بریدم

دعوتم کردن به مهمونی وستن به جونم       آرضا زه پشت سر زی منه شونم

سی وسه زخم ورسروم بی زخم خنجر        زینومه رضا بورد، هجیمه بندر

هجیمه بندر بورد ندونه فندس                  خل آوی جور خوم ونس زه اسب ورندس

آحسین مونه مکش مو تاته زاتم                 میخ چشم دشمنون سوار نیاتم

کاشکی که دوش ایمجال بیدم خور دار         دستم به هجی بره پام به کمیتچال

آحسین یادت بیا کفت چرینه                          گال گاله وزنه پیر بنگ هجیمه

علیداد زیدنه نهلین بمیره                              اولفتح نابالغه حیدر کوچیره

دلنواز چندی خوری زه کف وخینم                    دشمنون شادی کنن به اسب وزینم

کشتمه آقا ایمم چل کرده ریم برد                     اسبمه بندر بورد دادس به دال خرد

علیداد کشتنه وندن دم مال                              آرمون مند بدلم تقاص ابدال

کشتنه ستین ایل ای داد بیداد                           کی گوده وااوست نیا آعلی داد